اسطبل البيه بقلم احمد زيدان البلياتشو
مهرة و سايس
خدام اسطبل سعادة البيه
بيحب المهرة و يخدمها
و ينضف و يلمع فيها
والمهرة تحب سعادة البيه
السايس باقي علي العشرة
غلبان و ب يبصم ب العشره
إن المهرة قوة و ستره
السايس مغلوب على أمره
بيطاطي و يكنس تحتيها
يطعمها و يحاجي عليها
لو تعبت ملزوم يدآويها
مع أن المهرة بتقسي عليه
لو نط السايس فوق منها
بتثور المهره و ترفس فيه
ويقوم السايس بسذاجه
و يطبطب ع المهرة الخاينه
يربط في السرج و يعدلها
علشان يركبها سعادة البيه
اسطبل البيه بقلم احمد زيدان البلياتشو
التعليقات مغلقة.