اشبعي من شقاوتهم
قبل مشاغل الدنيا ما تاخدهم منك
أسـمـاء الـبـيـطـار
كتير من الأمهات بتبقى واخده اول مرحلة من مراحل نمو الطفل على اعصابها من ساعة ما يتولد يمكن لأربع خمس سنين .
صحيح هي بتبقى خبرتها قليلة بس دا مش معناه انك تطلعي طفل معقد أو ناقص حنان .
و للأسف اول اربع خمس سنين دوول بيبقوا محفورين في ذاكرة الطفل .
فـ بلاش تعلميه بالقوة و القسوة لأنه مش هينسهالك .
مش هينسي انك لسعتيه بشمعه علشان عمل على روحه .
مش هينسي إنك عاقبتيه و حرمتيه من العابه علشان بهدل الدنيا
مش هينسي إنك ضربتيه علشان وقع الأكل على الأرض
مش هينسي انك فضلتي اخوه عليه
مش هينسي انك اتكلمتي على طفل زيه حلو و هو عيبتي عليه
صدقيني الطفل اذكى مما تتخيلي
بيحس بكل حاجة و اولها حنيتك
بيبقى شايف قلبك من جوه
صحيح انتي عوزاه احسن حد في الدنيا
بس لازم تتعبي شويه في الأول
شبعيه منك و من حنانك و راحتك في التعامل معاه علشان
متلاقيش قدامك جبل من العند .
و مهما عملتي مش هيتغير و هيزيد .
استمتعي بطفولتهم الجميلة البريئة و عيشي فترة
صفائهم و ضحكتهم اللي طالعة من القلب .
قبل مشاغل الدنيا ما تاخدهم .
و صدقيني الفترة دي انتي هتحني ليها و تقولي يا رتني .
التعليقات مغلقة.