اشتياق بقلم منصور عبد المقصود
أنا اللى عايشها فيكي غريب
ومستني
تدقي ف ليله على بابي
وأفتحلك حدود قلبي
أتكلم
ومن غير خوف
واجاوز كل حد الشوف
وتخديني ف أحضانك
تضميني
وأتوه فى الضمة
وأنساني
وأعيش على كتف أحلامك
كأني بقيت واحد تانى
مبعرفهوش
أنا والخوف صحاب جدا
ملازمني
ولا عمره إشتكى مني
ولا عمري عاتبته ف يوم
ولا جّرحت إحساسه
فدوسي ع اللى باقي إن كان
فى شىء لساه بيوجعني
حبيبتي الآه بتمنعني
يشاركني عزول فيها
و فرشالي الهموم بلدان
وفارشة القسوة ضواحيها
حبيبتي أنا مت من بدري
وباقي شيء بيشبهني
وحافظ دمعتك جدا
وعارف برضه رايحة لمين
وخوفي عليكي من موتى
بقولها بأعلى ما ف صوتي
هتدى القسوة يومها لمين
أنا اللى عايشها بأتحمل
وبتأمل
أشوف الضحكة فى عيونك
ودبحاني … وأنا اصونك
وبتهيني ..
ووتتمزع شراييني
وأبيع عمري
وأحافظلك على أصولك
التعليقات مغلقة.