اشرف الشناوى .. شدى وارخى
شدى
وارخى
حبه حبه
وارمى حبلك
بالمحبه
قلبى خايف
فااستخبى
كل جرح وجاى
بزفه
سيبى مره
الحلم لفه
روحى طالعه
م المناكفه
سيبى ضحكه
لو مصادفه
شدى
وارخى
حبه حبه
كل يوم ادخل
فى عاركه
واطلع الخسران
واسلم
قلبى مش قادر
يكمل
م الوجع عمال
يدلل
نفسه يلقى
الحلم مره
بره برميل المخلل
شدى
وارخى
حبه حبه
وارمى حبلك
بالمحبه
فكى قيد الصبح
يرمح
من زنازين
الديابه
يرمى نوره
فى ارض بايره
تطرح الأرض
ابتسامه
الامل لو مات
فى روحنا
تبقى دى هى
القيامه
شدى
وارخى
حبه حبه
لجل مانحس
بحلاوه
الحياه اجمل
مافيها
ضحكه تخرج
م القساوه
والا حلم نشوفه
يكبر
جوا احضان
الغباوه
شدى
وارخى
حبه حبه
قلبى واخد عالشقاوه ..
التعليقات مغلقة.