افتكروني… بقلم وحيد علي الجمال
انا لما الشتا بيفتح كل بيبان البيت
مابحبش اكرمش في ملامحي
وأ لذق في الحيط
ولا لف لف نفسي في كوم بطاطين
واتقلب واشكي على الجانبين
وادعكلي في ركبي كأني عليل
انا وجعي بيتحول وجعين
لو بردك ساكن في كفوفي
انا هنفخ بدل النفس اثنين
انا عمري ماكنت في يوم عاجز
ولا حتي عويل
انا وسط الثلج بولع نار
وضد الموج إن كان غدار
و وقت الجد بكون اعصار
أنا مش مكار ولا هبقى حمار
ولاعوزك تشجب وتندد
وتجيب افكار
انا عوزك بس ماتتكلمش
ولا تفتح عين ولا تقفل رمش
وتسبني انا قادر اجيب التار
لا انا عايز منك اي سلاح
ولا تتعب نفسك بس ارتاح
ابواب الجنه بتتزين ملهاش
مفتاح
ولا معبر واقف على بابه واحد
دباح
أنا عايش داخل شراينهم بحصد
اوباش
انا ضربي بيوجع في كلابهم
وصرخهم باش
وانا قادر اعيش رغم حصارهم
وبعجزي انا قادر اخسرهم
انا غالي الدم ماروحشي بلاش
انا روح شفافه والف غلاف
انا خلق جديد زي الاشباح
ولا شكلي بيطلع ف مراية
ولا بعرف طعم النوم وارتاح
انا هقبض روحك في جروحك
علشان من رعبك ترتاح
لحظة ماتشوفني قصاد عينك
هتلاقي قيامتك كدا قامت
بالقاضية ولمس الأكتاف .
ارسمني ف كتبك صورني
علشان تفضل حافظ شكلي
هرجعلك تاني واسمعلك
سورة الاخلاص
انا كلي استشهد كدا مني
مافضلشي ولا واحد مني
ولا عمري هربت انا من ارضي
ولا عمري باخاف
لو فيه انصاف كان كل العالم
بقى صفي من غير إجحاف
مش محتاج حد يشجعني
وأنا واقف دايماً قدامكم
وبطولي بمرمط في شرفكم
ولا حد هيقدر يلمسني
ولا يعرف حتي مكان قبري
وفاتورة غدركم الواضح
راح يجي اليوم وتحسبوني
انا روح العزة افتكروني
التعليقات مغلقة.