اقرأ الكلام… كلمات يحيى العبادي
رد علَى كل الكلام
بيّن لناسك الاهتمام
ماتقولش بكره عليك ارُد
كمل صفات الاحترام
قالو عليك انت الكبير
أصيل أوي عندك ضمير
والكل قالوا انك نزيه
الوصف ليك انت الامير
لما يبان للناس عيوب
أو حد قاطع للدروب
أو قالو فيه حاجات كتير
اعرف بإنك بقيت حكم
احكم وقول يا محترم
وخلي كل الناس تقول
حكمك جميل أوي يُحترم
الكل له عندك حقوق
اصحي لكلامي . أيوه فوق
لو كنت فين أو حتي مين
لازم تجاوبنا بشوق
والكل يعرف انك كبير
وإن انت منصف مش أسير
واهم حاجه انك تراعي
تزرع محبه. تحيي الضمير
ارسم حياه…. فيها سلام
خط المسار ادِّيه اهتمام
الخطوه لازم تبقى خير
مش بس عنوان أو كلام
اياك تقول: غني أوفقير
ودا عنده حق، ودا حق غير
خليك علي نور الطريق
صاحب قرار صاحب ضمير
التعليقات مغلقة.