“اكتبو علي القبر أسمى”… رضا علي أحمد أبو شنب.
(اكتبو على القبر اسمي)
اكتبو على القبر اسمي
اكتبو على القبر شاعر
لما يضحك كان بيبكي
قلبه مليان بالمشاعر
كان لكل الناس بيسقي
والطريق قدامه واعر
اكتبو على القبر اسمي
اكتبو على القبر شاعر
اكتبو على القبر اسمي
وأرسموني بشكل واضح
طول حياتي كنت دوغري
وفي كلامي كنت واضح
كنت مهما يقولو عني
كنت وسط الناس بسامح
كنت شايل هم بلدي
والمرار جوايا طافح
مين بيسرق مين بيجري
مين بيعمل فعل فاضح
والمنافق واللي وافق
واللي يعمل فيها ناصح
اللي يعمل نفسه غاندي
واللي يعمل فيها صالح
والذهب لو كان مصدي
كان بيمشي باللوايح
كلهم بيحبو بلدي
زي ما يحبو المصالح
اكتبو على القبر اني
كنت شاعر بالفضايح
اكتبو على القبر تاني
وانقلوها عن لساني
كنت بحلم بالسعادة
والتقيتها شي هلامي
كنت بتمنى الزيادة
بس اصل العمر فاني
كنت عايش لاجل بلدي
كنت بكتب في الاغاني
كنت لما اجوع اخبي
واتوجع وأفضل اعاني
لو بحبك زي نفسي
ابقى قدامك اناني
لو هقولك روحي وانتي
يتقطع يوَمها لساني
أندفن وتكوني انتي
وابني هيحبك مكاني
اكتبو على القبر اسمي
وانقلو عني الاغاني
التعليقات مغلقة.