اكتب عن ايه …بقلم شيماء عادل
اكتب عن ايه؟؟
وازاي كلامي يوصفه؟؟
تشتيت ملازم عقل مليان بالوجع
جواه بوادر للهزيمه مجددا
ماهو من زمان وهو آيل للسقوط
لكن متبت في الحياة
رافض يموت
لكنه بيطاطي براسه للزمن
يجوز ساعات الفضفضة في السر..
تتباهي تطلع في الوجود
حب الغوامق في الحياة
عاكس لعمرك م اللي فات
وان كان سواد الليل
لسه فيه حبة سكات
بيعدوا سهواً في الحياة
لكن بيعكس صبرنا
علي خلق بتمرر حياتنا سنين
شتان ما بين ضحكة ملامحك بالنهار
وما بين آنين روحك لروحك
وقت ما يحل الظلام
الروح بتتسرسب في حواديت السنين
وقت اما خطيت في الحياة بضمير سليم
انا كنت بحبي ع الوجع
ومازلت كالطير الغشيم
انا حسبي رب العالمين
احنا الحياري الطيبين
نداري جوه نفسنا
وتفضحنا اوجاع السنين
وياريت بنوصل في النهايه
لحل لغز الدمعة والحزن الدفين
واكتب عن ايه؟؟
التعليقات مغلقة.