………. الأخ مشاعر ……….
معوض حلمى
…………………………………
إفتح صندوق الدنيا ياعم
وإقرا الحواديت من عنوانها
أنا شوفت بعيني ماحدش نم
ولا زن شيطاني على ودانها
الأخ اللي تشيل همه
وتراعي ظروفه بدمك
هايبيعك ويزيد همك
ويمصمص لحم عضامك مص
والأخ مشاعر تتحس
لو ماتت جواه ماتقولش اشمعنى
خليك على نهجك عالي الحس
دا بياض الوش ضمير
ربك هايبارك في قليلك / وتشوفه كتير
فاوعى تخون
كمل مشوارك للأخر / دا الدنيا قصيره
والأخ اللي يخون العيلة / شيلته تقيلة
أتقل من كل جبال الكون
وان جه طمعان في حلالك / إديلو
وان شوفتو بيسرق كيلك / عبيلو
وسيبو يشيلو / وعينو عليه
وادعيلو يزهزه في عينيه
وادعيلو يزهزه في عينيه
…………………………………..
بقلمي الفلاح الفصيح
معوض حلمي
منشأة بطاش
تمي الأمديد
دقهلية
التعليقات مغلقة.