الأم…
نهلة علي الديب
الأم جنة ربنا
الأم دقة قلبنا
لو يوم تغيب
يغيب معاها فرحنا
الأم نجمة من السما
عايشة معانا ووسطنا
الأم رمز لكل شيء
رمز العطاء
رمز الحنان
رمز الدفا ..رمز الهنا
الأم نعمة ربنا
لو نفتكر حبة حاجات
من ذكرياتنا ..واللي فات
كنا صغار وحياتنا هي أُمنا
وعلمتنا فمَدرَستها .. كل حاجة تهمنا
إزاي نعيش ..
إزاي نصلي ..
إزاي نواجه أمْرِنا
الأم حصن بيحتوينا كلنا
بئر القيم
دايما معاها صغيرين
مهما كبرنا أو وَصلنا
الأم محتاجة لوِصَالنا
لمسة إيديها أحلى رَقْوة
وفعينيها أمان وتقوىٰ
هي بس بدعوة منها..
على حِمْلي .. بَقْوىٰ
هي بس ..
بدون كلام أو أحكي حاجة
بيا تحس ..
وتقولي مالك..
أوعى تحمل هَم حاجة
الأم شمس الكون
وبعد موتها
تنطفي كل الشموع
هتلاقي كل عزيز يهون
ما خلاص ..
راحت خلاص..
سر السعادة وفرحنا
يوم ما ماتت .. أُمِّنا
…..
التعليقات مغلقة.