البت لبيبة بقلم الفلاح الفصيح /معوض حلمي منشأة بطاش تمي الأمديد دقهلية
أنا كنت مقـبل يمة طيبه
قالــت لـيا البـــت لبـــيبه
إن قـــناوي نـاويـــها الغــيــبه
وسابلي جروح ف الروح مفتوحه
ضربه تجيلو لأنه اناني
يسـهر ليلو حـزين ويعاني
طعنة غـدره ياناس وجـعاني
وسابلي جروح ف الروح مفتوحه
قال لي باحبك طير راسي
وانا صدقته دا هادي وراسي
فجـأه اتـغــير أصـــبح آســي
وسابلي جروح ف الروح مفتوحه
أول مره تشـوفه عينيا
إبن الإيه كـات عيـنه علـــيا
مد حـــباله وصــــــاد رجليا
وسابلي جروح ف الروح مفتوحه
يخرب بيت القلب إن دق
مابيسمـعـــش لقــــولـة لأ
لما رمـاني في قلـب الشــــق
وسابلي جروح ف الروح مفتوحه
إبـن الإيـه زي العفاريـت
لما غـمز لي قـوام طبيت
راح والا قالي ف يوم حبـيت
وسابلي جروح ف الروح مفتوحه
ــــــــــــــــــــــــــــــــــــــــــــــــــــــــ
التعليقات مغلقة.