البرد جوه الروح
شعر جيهان النجار
البرد جوه الروح
ورعشة ع الشفايف
وعرق الجبين شتا
والكل ليه خايف
ف حلقة ذكر زور
ل أمام مهوش شايف
ولاعمره كان له نظر
ولا ندر ولا قيمة
دا رواية متفبركه
وشغل م السيما
اراجوز وشده حبل
من راسه وودانه
حفظ الحكاية كدب
بأمر سجانه
والمستمع مجنون
والراقصين عيره
موزعين الوجع
ع العمر والقورة
واللى يصقفله
يكون بطل صورة
فزورة محظورة
أوعى تفكر يوم وتفك
اسرارها
جوه الحصار مخنوق
وخلف اسوارها
بدل صباح الخير
دمع ف اخبارها
أخبار بلون الدم
ملعونة منظارها
غابة كلاب مرعبه
عايشه على عيالها
التعليقات مغلقة.