البوكيه …شعر غنائي …كلمات ابراهيم الافندي
البوكيه اللي انت جبته
عيد جوازنا الاولاني
لو يا ريت ع الغصن سيبته
جبته يسعدني كواني
قاللي مبروك يا أميرة
شوفته بيداري اهاته
ابتسم بسمة ب حيرة
بعدها ودع حياته
والالم والحزن جاني
في البوكيه اللي انت جبته
عيد هوانا الاولاني
ليه انا دلوقت خايفة
انت عارف خايفة ليه؟؟
خايفة لو تدبل ورودي
بين ايديك زي البوكيه
انا مش عايزة الهدايا
الجديدة في عيد الحب
اصلي محتاجه شوية
حب غالي في عيد الحب
ليه جايب لي حجات جديدة
و الحياة وياك أليمة
لو عايزني اعيش سعيدة
رجع لي حجاتي القديمة
انا عايزة الضحكة القديمة
اللي بيني وبينها سور
انا عايزة روحي السليمة
ترجع لي من غير كسور
اصلي َمحتاجة الامان
مش عايزة الحب الاناني
والبوكيه اللي انت جبته
عيد هوانا الاولاني
لو يا ريت ع الغصن سيبته
جبته يسعدني كواني
التعليقات مغلقة.