التمثال
د. أحمد دبيان
( افتح الشنطه دى )
بادره امين الشرطة وفى عينيه انهار من الشك ،
( الشنطه دى فيها تمثال )
اجابه مبتسما : ايوه
فتح حقيبة السفر فى البعد الآخر من سير التفتيش فى صالة المطار
اخرج التمثال ، من علبته الكرتونية ونزعه من أغلفته الحامية ، مقربا اياه من عينى الامين ،
هذا تمثال لبيتهوفن اقتنيته من متحفه وسافرت به عبر مطارات الترانزيت،
اجابه :
ساراجع الضابط المسئول ،
التفت بطرف عينيه كانت الصالة كلها تحدق فيه بتوجس ،
نساء يرتدين الخمار والنقاب ، تتقاطع مع صور رجال حافين شواربهم ، مطلقين لحاهم ،
ازدادت نظرات الشك المحيطة به بعد ان نطق الضابط باسمه وتحولت الى اتهام يكاد ينطق بالكفر ،
د.أحمد
( اى تمثال يخرج من البلد لازم يتعرض على الجمارك والآثار )
اجابه:
( يا فندم تحت امر حضرتك بس ده تمثال بيتهوفن اشتريته تذكار من متحفه وعديت بيه على مطارات كتيرة عبر الترانزيت ومعايا ايصال شراؤه )
قاطعه منهيا الحوار فى ضجر
لازم عرضه على مندوب الآثار
لملم حقائبه المبعثرة باحشائها المنتهكة امام الجمهور محاولا الا تتسلل الاشياء لتشق طريقا آخر نحو ايدى العابثين
اصطحبه الامين لحجرة منزوية فى طرف صالة المغادرة ، انتظر فى صمت ؛
اتاه مندوب الآثار وشظايا سندوتش الفول تتناثر من تجويف فمه المتلظظ تاركا فراغا صغيرا يسمح بمرور الهواء نحو احبال الصوت لتخرج معزوفة اوركسترا بلا مايسترو ….
قلب التمثال بيده الاخرى ماسحا اياها فى لفافة الساندوتش متفحصا اياه فى نظره سريعة :
( لا ده مش تبعنا )
اعاد ترتيب الحقائب محاولا اخفاء الاحشاء ضاغطا على الحقيبة ليتمكن من اغلاقها ،
اتم اجراءات السفر ليعبر بحقيبته الصغيرة نحو صالة المغادرة ،
اوقفه الشرطى بعد عبوره الجوازات والتفتيش الاخير للحقائب قائلا بلهجة لا تخلو من توجس واتهام ،
( افتح الشنطه دى الشنطه دى فيها تمثال )
اجابه بآليه
( نعم ده تمثال بيتهوفين اشتريته من متحفه وقد رآه سيادة الامين وسيادة الضابط وتم فحصه من قبل الآثار )
اجابه الشرطى
( ده مش ممكن يطلع على الطياره ده آله حادة )
تناثرت احشاء الحقيبة مرة أخرى كلوحة عبثيه ،
بادره يائسا : طب وايه الحل ؟
شنطى التانية بالفعل طلعت ع الطيارة .
اجابه الامين بروتينيه حاملا التمثال بلا مبالاه :ارجع ع الميزان واعمل له اعادة شحن .
مد يده مناولا اياه فى الفراغ
لم ينتبه وهو يحاول اعادة ترتيب الحقيبة
تهاوى التمثال معانقا الارض متناثرا الى شظايا
اغلق الحقيبة فى يأس متمتما :
( البلد كلها عايزة اعادة شحن )
التعليقات مغلقة.