التنازل

جيجي حافظ

تتعدد أنواع التنازل…..
منه ماهو مطلوب لاستمرارية الحياة…..
ومنه بارادتنا ومنه مرغمين عليه….
ومنه ما يقضى على الحياة بأكملها …..
ومنه ما يرفع للإنسان شأنه (عند التنازل عن الخطأ)….وغيره.وغيره
سؤال يطرح نفسه…..
_6انا عاوزة اعرف..هو ايه اللى بيجبرنا على التنازل؟
اكتشفت مؤخرا. .. اننا برمجنا انفسنا على التنازل عن طموحاتنا. ..عن أهدافنا فى الحياة. ..كلما كبرنا وتقدم بنا العمر يقل سقف سعادتنا بانفسنا……… بعد ما كانت سعادتنا فى الأنا واحتياجاتها …أصبحت سعادتنا فى نظرة الرضا من احبائنا مثلا…..انا لازم أخرج ،اخد بالى من نفسي،أتمتع، أحقق اللى نفسى فيه فبدأنا نتنازل واحدة تلو الأخرى علشان لا نثقل على أهلنا ….ثم بدأنا نسكت على احتياجاتنا الجميلة(الكلمة، الهدية،المشاعر الحانية) اللى بتزين حياتنا ادام ضغوط الحياة علشان بنعذر حبيبنا ……. وشوية كمان بدأنا نتنازل عن احتاجاتنا الأساسية …مش مهم نجيب لبس جديد ولادنا أهم. …مش مهم نعمل اكلة بنحبها ،ولادنا مش بيحبوها. .مش مهم نستمتع احنا ،ولادنا أهم. …بدأنا نخرج علشانهم وندخل مطاعم غريبة برضو علشانهم…. …..والغريب بقى أننا بنبقى فى قمة سعادتنا مادام هما مبسوطين. …وبعدين بدأنا نهمل دراستنا واهتمامتنا العلمية سواء (كورس أو دورة…أو دبلومة..أو ماجستير…..)والرياضية…..ونقول اولادنا أهم منا هما أولى بالمجهود وبالفلوس …أهم حاجة يبقوا احسن منا علميا وماديا…..وده بقى أقصى طموحنا أن ولادنا يبقوا أعلى مكانة منا ومن اى حد …أصبحت السعادة لمن نحب لا لأنفسنا .ياترى هنتنازل تانى انا شخصيا اتنازلت تانى. …بقى كل املى أن ولادى يبقوا بصحة جيدة وأخلاق عالية. ….. يا ترى ده نضج. ..أم تضحية. …أم أن هذا حال الدنيا التى لاتستطيع أن تجد فيها كل شئ. ،ولابد أن تضحى بشئ….. .فادركت أن تضحى بسعادتك هى أبسط الأشياء من أجل الاحباب

أخيرا عرفت ايه اللى بيجبرنا على التنازل. ……..مشاعرنا …..سواء للابناء أو الحبيب أو الاهل.. بس يا ترى هقول ….للأسف. .ولا لحسن الحظ أننا اتنازلنا…..بتهيألى الإجابة متروكة لكل شخص على حده بس اللى انا متأكدة منه _ان مش كل التنازل تنازل. …أحيانا بيكون فى تنازل يعلو بنا الى الأفق……
_ادام الله عليكم محبة احباءكم الذين تنازلتم عن سعادتكم من اجلهم