التوهه غول
بقلم معـوض حلمــي
أنا التايه ف تأويلي
سنين واخداني للغربه
ونفسي ف شط يأويني
يلم شتاتي م التوهه
يرجعني كما الأول واكون إنسان
واكون فارق مابين الحق والبهتان
مانيش عايز أكون فكره
غـواهـــــــا الطيــــــــــــش
يشاوروا عليا ويقولـــــوا
دا واد درويــــــــــــــــش
وابص لروحي في مرايتي
ومااعجبنيــــــــــــــــــش
وأصبح ريشه وسط الريش
وحبـة ريـــــح تمشينـي
على سكـــه ماهيش ليا
وامشي وينطفي ضيي
واصاحب حد مش زيي
واضيـــــــــع منـي
واروح والا اجيـــــــش
( 2 )
وانا الخــــــــوف
اللي متكتف ورا القضبان
ونـفسـي أفـك م الخنقـــه
واطــــــــــيـر رهـــــــــوان
لكنـي المعنـي بالـفـكــــره
وباحـرسـهـا بأخـــــــلاقـي
على كتافي مانيش لاقي
لهـمـومــي مـكـــــــــــــــان
ولســه السنبــلات ألـــوان
بتتمـايل بحبــــة ريـــــح
وميت سجان وألف لسان
بيتعاركــوا على المفاتيح
( 3 )
وانا أيــــــــوب
أتـوب إزاي وانـا أيـــــوب
على كـل السكـك مصلوب
برغـم الفقـر سيــف جــلاد
لا انا بايــــــع ولا عــــــواد
أنا زارع لنـاســـــي الــزاد
لا انا باير ولا معـطــــــوب
وانا عايش في كون معيوب
مابين لقمه وغموسها الحاف
والعيشه اللي بالإسفــــاف
والناس اللي عايشه كفاف
والجهل اللي عبى قلــوب
أتــــــــــــــــــــــــوب إزاي ..
( 4 )
وانا المـهــــــــــــــــــــزوم
مابين الناس بيضيع كومي
وانام مهمــــــــــــــــــوم
ولما اصـحى مـن نومي
باداري همومي في هدومي
والآقـي الغربـه عيشـانـي
وسرقـاني مــــن يومــي
ووشي مخاصـم الفرحه
بقالــــــــــوا سنــــــــــين
وباضحك ضحكي بالعافيه
وبالضــــــــــــــــــــــــالين
عشـان الحـلـم لـو نـبـت
يلاقـــــــــي النــــــــــــور
واوارب بيبــــان الــــدور
على الأمل اللي لسه حزين
( 5 )
باعترف
إن انا خالي من الإحساس
وإن البخـــت لــو مـايل
شيطـــــــان خنـــــــــاس
شربت منه مش بحساب
وكتبت كتير عـن الإشواق
صورت الجنــه بحروفي
كـلام كـــــــــــــــــــــداب
ونسيت إن الشيطان سارح
ولــه أحبـــــــــــــــــــــاب
غضيت الطرف عن أسبابه
ومـــــــــــــــــين جـابـــه
ومــين فتح له البـــــاب
ومين عملـــــه حجـــاب
وعشنـا الزمـان مغلــوط
شربنـــــا كــــاس المــــر
ونسينــــــا طعـم التـوت
بقينــــا ليــــــه ضــــدين
واحـــــد بقلـــــب مـلاك
وواحـد بقلـب طاغـــوت
وانا بانده بعلو الصــوت
ملعــــــون ابو حـــروفي
وإحســــاسي وأشعــاري
وتـاري اللـي واقــــــــف
بينـي وبين روحــــــــــي
وجـروحي اللي مفتوحه
بتنزف مـــوووووووووت
( 6 )
أنا اللي شيلت الشيله
ومفيـش معـايا معـين
والصبـح نزل دمعتـين
والليـــــــــل حــــــزين
الطير خلاص بطل غنا
حـــب السكــــــــــــات
الزرع كان أخضر ومات
طــار النـدى م الخـوف
ومـخاصـــــم النـــــوار
نهارنا ليل والليـل نهار
العقدة محتـاجة لعمـل
والشيخ في قصره العلي
وإيـــــــــه العمــــــــــل
الشيلة مايشيلهاش جمل
والضهـر محتــــاج ولي
محتــــــــــــاج آيــــات
وصراحه في الإجابات
طلـــــع الولي كـــــداب
بيـــــــزور الحجابــــات
والدايره دايره ومحكمه
والتوهــــــــــــه غـــول
وهناك في رول المحكمه
كل القضـــــايا مبهـمـه
مالهـــــــاش حلــــــــول
مالهـــــــــاش حلــــــول
التعليقات مغلقة.