الثمن غالى

جيجي حافظ

ثمن استهتاركم. …غالى اووووى ثمن جهلكم. ….غالى اووووى
_خروجكم ونزولكم بسبب ومن غير سبب يجعل المشكلة تتفاقم ويصعب السيطرة عليها …وعلى فكرة مش انت بس اللى هتدفع الثمن

             عارفين مين بيدفع الثمن. .....؟

الملتزمين. …. المدركين بالكارثة. ..
اللى حاسين بالخطر. . اللى خايفين على أغلى ما لديهم. ….
طب سؤال…
ايعقل أن الملتزم هو من يحاسب على غلطة المستهتر …… للاسف فى هذه اللحظة الظلم هيعم أو بمعنى أدق الكارثة هتعم الملتزمين دفعوا التمن غالى من قبل حدوث الكارثة فماذا يحدث أن زاد المستهترين فى استهتارهم وعدم وعيهم وجهلهم المتعمد؟
ايوه جهل متعمد ….وسوف يحاسبون على جهلهم هذا. ..لأن كل الناس لديها علم كافى عن الكارثة التى نعيشها لانتشار جميع وسائل التوعية فى كل الأماكن حتى فى القرى البسيطة…. .ولكن الناس رافضة تستحمل وتحافظ على نفسها وغيرها. …. انا عارفة أن كتير مننا بيمروا بحالة من الإحباط فى ظل هذه الظروف ،ولكن هذا لا يعطى الحق لأى انسان ان يتسبب فى حدوث كارثة لإنسان اخر

كل واحد التزم دفع الثمن و اتحرم من أقرب الناس ليه من : والديه. ….واخواته….وأقاربه. …وأصدقاء عمره. ….وقعده حلوه مع أصحابه. ….من جيرانه….مش بس كده
الواحد كمان جه على صحته ….اصبحت زيارة الطبيب فى أضيق الحدود واصعبها الواحد اصبح لا يستطيع مواساة أهله فى العزاء
ولا قادر يزور والدته و والده (المرضى) فى أصعب مراحل عمرهم (لخدمتهم أو توفير طلباتهم) يعنى اتحرمنا من المفروض علينا والواجب علينا. …ده كله ليه؟ علشان نحمى ولادنا واهلنا وانفسنا ……..فلا يعقل أن يأتى انسان مستهتر يهدم كل هذا الحرمان
بسبب نزولك واختلاطك بكل الناس.. الدائرة بتتسع… …..والبؤرة بتزداد عمقا.. حرام عليكم خافوا على أنفسكم وعلى أولادكم. ….انتو بتدفعوا ثمن كل واحد اتحرم من الوقوف جنب أهله أو شخص عزيز عليه .. _الإصابة بالمرض ده مش مجرد شوية تعب وخلاص. …
أولا.. التعب ده مؤلم جدا …كل واحد يعرف شخص أصيب بهذا المرض مدرك قولى
ثانيا ..التعب ده قاسى جدا وأحيانا يكون مدمر لكبار السن وأصحاب الأمراض المزمنه ونقص المناعة. ….وأعتقد أن كل بيت عنده شخص عزيز من هؤلاء الأشخاص، ….بالله عليكم حافظوا عليهم
وإن لم يوجد لديك شخص تخشى عليه قسوة المرض فكن رفيقا بى فأنا لديه من أخشى عليه نسمة الهوا عذرا أحبائي فأنا أم فما وصلنا إليه يجعلنى أخاف من المجهول (الآتى)وان كل شخص واعى يستطيع أن يغير شئ فليغير ولو بكلمة. …ولا يستسلم لجهل الاخرين..
ولابد أن تعلموا
إننا لو فقدنا السيطرة….فقدنا الاستمتاع بحياتنا
أو نكاد نفقد الحياة نفسها
_حفظكم الله من كل سوء. …دمتم فى رعاية الله