الحاجة ستي بتسأل…بقلم ناهد الموجي
شاعرة مصرية
بزعق بصوتي وبسألهم من امبارح
رمضان هييجي السنة دي ولا جه ورايح
يرد واحد من الاحفاد كلام بايخ
يقولي مالك سلامة عقلك الشايخ
سبوعين تصومي ولسه بتسألي رمضان
جي السنة دي ولا الباب ما هوش فاتح
فاكرني هبلة وعقلي فى السحاب سارح؟!
وجع فى ضرسك تقولي بطلي فضايح!!
........طب فين يا واد اللند أمات ضلوع الوان
وهيصة الوِلد لما هلاله شق وبان
وسهرة للصبح فيها بيخبزوا النسوان
حلة مدور وفخد البطة فيها يبان
الشيخ بدير يخبط الطبلة تسد ودان
وقول يا نايم تعالى وحد الديان
والنقشبندي على الراديو كما الددبان
وجامع الزاوية بيلعلط وشع ايمان
………
رمضان ما هوش لقمة نطفحها ونطمطع
وحياة حبيبي النبي دي ف بطني بتقطع
لا فرحة ولا نفحة ولا لمة ولا تراويح
واليوم بيرمح لا ذكر معاه ولا تسابيح
وانت يا معدول تقولي عقلي ليه بيشطح !!
التعليقات مغلقة.