الحب أغنيه جديده للشاعر أشرف يوسف
الحب بقي كلمه بتتقال
من غير مشاعر ولا إحساس
في ناس تحب وناس تانيه
بيقولوا بس كلام و خلاص
واللي احنا بنخبيه دايما
في القلب علي وشنا بيبان
بنخبي بس و ننكر ليه؟
وهوانا له شبابيك وبيبان
جرب و عيش الحب بجد
واتهني بيه و بلاش تمثيل
مستني إيه دا الحب حياه
بيعيشها دايما جيل ورا جيل
بالحب تحلا الدنيا معاك
و تبقي أحلي من السكر
م العمر لسه هيفضل كام؟
عشان تقول لسه هافكر؟
ياحبيبي دا العمر بيجري
وساعاته بتفوت في ثواني
واليوم حقيقي اللي يعدي
م المستحيل يرجع تاني
م المستحيل يرجع تاني
الإثنين بتاريخ ٢٠٢٢/٧/٢٥م
بقلمي : أشرف يوسف
التعليقات مغلقة.