الحساب..بقلم.. عبد السلام عبد النبي
الحساب
الضحك ليه واخد اجازه
قالو بيعيد الحساب
الابتسام واخد اجازه
قالو ح يلاقي جواب
امانه يا بحر العجايب
قلي ليه الضحك راح
وانت يا بسمه امل
قولي ليه تبقي نواح
وانت يا نيل ياعظيم
قولي ايه سبب شجونك
وانت يا شمس السنين
قولي ايه دبل عيونك
رد بحر الحب قالي
الحبايب رحلوا عني
لاجل ما يجيبوا دولار
وادي شمس الحب تبكي
ع اللي جابوا سموم ونار
وادي نيل ألحب يبكي
ع اللي غاب لسنين وعاد
شايل الأفكار سواد
وادي بسمه حب ضاعت
وسط احلام الضباع
اللي سرقوا واللي قتلوا
واللي خلوا الحب ضاع
التعليقات مغلقة.