الحلم ……شعر وحيد علي الجمال
شوفت الجنة في حلم امبارح
بس بيبانها كانت مقفولة
حد هيسأل زي التعلب
وبحركات هارشين الفولة
اللي ظهرلك جوه في حلمك
كانت الجنة ولا اليافطة
عليها مكتوبة
اللي حدفني بروح الحلم
وضع الاسم في ذات الروح
قمت لقيت الفجر بيدن
والخاطر مكسور مجروح
و البرواز هربان م الصورة
وانا من روحي بقيت مكسوف
اللي انا شوفته ده شئ بيفرح
ولا أساسا حلم بيرعب
شافني زميلي في نفس الليلة
بس في توب أزهري أوقافي
كان جاي يطلب قبل مايشرب
رغفين بس عمولة خصوصي
وصف العيش في الشكل خرافي
كنت هصلي وكان مستعجل
قلت له عندك جوه في درجي
أو تستنى لحد ما أصلي
قام م الحلم .. لا خد رغفين
ولا سبني لحد ماصليت
قلت انشرها عليكم جد
يمكن حد يشوف تفسير
حد يكون معروف وبعلمه
عنده فراسة في التأويل
اللي انا شوفته بشارة تفرح
ولا رسالة فيها نذير
التعليقات مغلقة، ولكن تركبكس وبينغبكس مفتوحة.