الحل أيه ؟ بقلم الأستاذ / أحمد فؤاد الهادي
راح حب سلوى .. جابت له بلوة
ماخدش غلوة .. وطِلْعِت عينيه
قام حب لولو .. والناس قالوا له
رِكِب دماغه .. وضِحْكِت عليه
جه حب توتو .. خَرَبِت له بيته
وخَدِت فلوسة .. وفَضِت إيديه
قام حب شوشو .. عرفت تلوشه
كسرت له ضهره .. طب يعمل ايه
راح حب ليلى .. لاقاها خايلة
وداخلة خارجة .. تكذب عليه
قام حب دينا .. حلوة ومتينة
أتاريها طينة .. وطمعانة فيه
فحب ريتا .. عَمَلت له زيطة
وطِلعِت قليطة .. مش راضيه بيه
قام حب نادية .. فاكرها هادية
طِلِع لسانها .. كرباج يابيه
يحب مين والحل أيه؟
لم الأسامي في صندوق صفيح
واستنى ليلة تكون رهيبة وفيها ريح
دلق الأسامي .. البحر زمجر
والشط نَبِّت صديد وقيح
راح حب نفسه .. خافت عليه
قفل بيبانه .. وسكر ودانه
وغطى نفسه برموش عنيه
ماعدش دوشة .. ولامناوشة
والله شاطر .. الله عليه
التعليقات مغلقة.