الحياة بالألوان
بقلم د/ عبير منطاش
ربنا خلق الدنيا بالألوان أحمر وأخضر وأصفر وأزرق وكمان أسود ليه فيه ناس مش بتشوف إلا الأسود٠
طيب وباقي الألوان راحوا فين؟؟؟ لو أنت ماسك اللون الأسود طبيعي كل حاجه حواليك هتبقى سودة٠
محدش قال إن الأسود مش موجود لأ طبعا
كلنا بنمر بأزمات وهموم لكن مفيش حاجة بدوم ليه أنت مخلي الأسود يدوم؟؟؟
جرب أمسك ألوان تانية هتتلون حياتك
هتبعد عن الأسود هتبعد عن الحزن شوية٠
لون حياتك بالحب، بالعطاء، بالنجاح، بالتفاؤل
وكفاية حزن، و ندم كفايه هم٠
أوعي تلون حياتك بالأسود علشان خاطر حد
مفيش حاجة تستاهل إنك تندم عليها٠
إلا علاقتك بربك هى بس اللي ممكن تحزن وتندم عليها لما تقصر فيها٠
غير كده مفيش لاحبيب يستاهل ولاصديق ولازميل الحياة ماشية والدنيا حواليك ماشية٠
كله عايش حياته بالألوان مفيش حد بيموت من غير حد ومحدش بيحس بحد٠
ربنا وحده اللي بيحس بينا فشوف نفسك وشوف حياتك عايزها بلون إيه٠
التعليقات مغلقة.