الحياة دي تمثليه .بقلم.د.صلاح علامة
لما قلبك يسألك
ضيعت ليه حلم الحياة؛؟
وأنتَ مسجون بين دموعك
والألم في منتهاه
ضيعت ليه حلم الحياة؛؟
الحياة دي تمثليه
والأمل لسه في صباه
كنا نحلم لما كنا صغيرين
كنا بلسم في عيون الوالدين
شوف كبرنا زيهم
شوف دخلنا
في حياة الكادحين
كنا نحلم بالسعادة
لأجل ما نفرح حزين
اتري الهم ويانا
والهم زاد البله طين
الحياة دي تمثليه
لكل دور فرد بعيون
لما يتكاسل يخون
ولما يبدع فـ الفنون
يبقى حتة مـ الجنون
ولما يبقى شخص عادي
ويتصالح مع نفسه مرة
يتصدم بالمفسدين
ويحس إن الحلوة مرة
بكره الحياة تروضه
وتبقى روحه برة حرة
ولما تدخل في حياته
يرجع في دوره تاني مرة
الحياة دي تمثليه
والوجع في الدور اساسي
كنت تسمع او تمثل
كنت مبدع او مِـ كسل
كنت واعي او مِـ سطل
كاس وداير عـ الجميع
حد ما تنجح تضيع
ما الضياع اصبح له فن
والنجاح مدفون يئن
وآه وآه منها الحياة
واللي يبالي بالزمن
الزمن راح يبتليه
زمان قالوا دا مثل
ارمي حمولك عـ الزمن
واعمل الخير تِـ لاقيه
احنا تغيرنا
ولا الحياة تغيرت
لما كنا صغرين
كنا نحلم بالحياة
لما كبرنا تغريت
بين آه وآه
وأنتَ مسجون بين دموعك
والألم في منتهاه
التعليقات مغلقة.