الحياه عاوزه الغنا… شعر/ أشرف الشناوي
السعاده
هي الرضا
بكل القدر
وابتسامتك ضي
من نور القمر
فاوعي تزعل
م اللي راح
والا اللي جي
المهم ان الأمل
يفضل في قلبك
برضه حي
الحياه عاوزه
اللي قلبه يدق دايما بالغنا
يرمي الحمول ويتكل على ربنا
ويعيش كما الطير
اللي فارد فوق جناحه
في السما
الحياه عاوزه اللي دايما
يبتسم وسط المحن
يزرع غيطان الورد
بدموع الشجن
فاوعي روحك تنحبس
جوا الضلوع
والا دمعك تنطفي
منه الشموع
كمل المشوار وعافر
حتى لو هاتموت بجوع
بكره يطلع صبح أجمل
م اللي راح ويا الدموع
بكره تلقى الفجر جايلك
والأماني كلها
من غير رجوع
بس قلبك سيبه أخضر
زى ماقال اليسوع
السعاده في الرضا
مش في الدموع
التعليقات مغلقة.