الخانة …
معوض حلمى علي
من شعر .. الخانة ..
ــ إفتح دخلها ورد الباب ـ
الحـرمــة عايزاك ضـلـيلة
تساعدها وتصـون العـيلة
فاوعـاك تشـيلها الشـــيلة
إفتـح دخـلها ورد الـباب
الحرمه أصـلا دي حـلالك
حاجي عليها يطيب حـالك
هاتسيبها هاتزيد اوحـالك
إفتـح دخـلها ورد الــباب
شـالت همومك مامالتشي
يومين جـعانه وماكالتشي
وعـن عــــيوبك ماقالتـشي
إفتـح دخـلها ورد الــباب
مستحملاك رغم خصـالك
فبلاش حسـابك وفــصـالك
ماتحـن حسـسها وصـالك
إفتـح دخــلها ورد الباب
الســت قـــاعدة وبتـهاتي
م الغلب راضيه وبتطاطي
وانت اللي تطردها ليلاتي
إفتـح دخـلها ورد البــاب
على الدوام حاسه بحالك
فـي الـدار وبتربي عيالك
حسسها حـــــبك ودلالك
وافتح دخلها ورد الباب
ــــــــــــــــــــــــــــــــــــــــ
بقلـمي الفـلاح الفصيح
معــوض حـلــــمي عـلي
منــــــــشـأة بطـــــــاش
تمي الأمديد .. دقهلية
التعليقات مغلقة.