الخطوبة “٢٠ ” بقلم : محمد كسبه
في بيت وهيبة
- بت يا وهيبة ، إنتي مالك ملغبطة العجين كد ليه ؟ إنتي مش عارفة تبططي .
- أبطط إيه يا أمه أنا مليش نفس لا لخبيز و لا لعجين .
- طب بصي يا وهيبة ، إنتي هتحطي شوية دقيق على المطرحة و تفردي بالنشابة و تحطي على الرغيف من فوق حبة ردة و تشقية من النص بالسكينة و تناوليني ، شوفي أختك أزهار الأصغر منك لهلوبة في الخبيز و شغل الدار .
- أيوة يا أمة ما أنا عارفة كل حاجة بس النفسية متدايقة شويتين .
- طاب أنا هقولك على حاجة تفرحك و تبسطك ، بس خايفة أقولك لحسن متوافقيش.
- أوافق على إيه و موافقش على إيه برضة ، ما تقولي يا أمه هو سر .
- أزهار : بصي يا أختي أصل فيه عريس إتقدم لك ، و أمك كات ناوية تطرقه من بره بره كده .
- لا يا أمه و النبي دنا ماصدقت دنا ٣٢ سنة و زمايلي عيالهم كبروا و قربوا يتجوزوا كمان ، أنا عايزة أتجوز و أتسند على حيطة ، إنشاله حيطة مايلة ، أهو ضل راجل ولا ضل حيطة .
- هو فعلا حيطة مايلة يا بتي زي ما قولتي .
- و ماله مين هو يا أمه و النبي قلوليلي بقى ؟
- ازهار : الواد وهدان الأهطل ده .
- وهدان إتقدم لي ( تضحك و تزغرد ) بجد و النبي يا أمه .
- أيوة بجد ، هو إنتي فرحانة كده ليه يا وهيبة ؟
- ده واد بلطجي و رد سجون و اتحكم عليه قبل كده .
- ازهار : يا وهيبة ده قصير و قزعة و إنتي طول بعرض ، ما شوفتيش العلامة إللي في وشه .
- قصدك العلامة إللي فوق حاجبة اليمين .
- أيوة يا أختي العلامة دي ضربة مطوة .
- لا يا أزهار دي مش ضربة مطوة ولا حاجة ، الواد ده لما كان صغير شتمني و قالي يا تخينة يا فشلة أسكت له ؟
- لا طبعا يا بتي متسكتيش دي قلة أدب ، طاب عملتي إيه ؟
- قومت يا أمه زقاه ع الأرض وقع إتخبط في طوبة فتحت دماغة ، نصيبه كده .
- أزهار : إنتي مشفتهوش ده دراعه مكسور .
- يا أزهار مهو أول إمبارح كان ماشي ورايه و بيعاكسني ، قومت مكعبلاه وقع علي إيده إنكسرت نصيبه كده .
- يا وهيبة يا بتي ده الخطوبة “٢٠ “
تأليف : محمد كسبه
في بيت وهيبة - بت يا وهيبة ، إنتي مالك ملغبطة العجين كد ليه ؟ إنتي مش عارفة تبططي .
- أبطط إيه يا أمه أنا مليش لنفس لا لخبيز و لا لعجين .
- طب بصي يا وهيبة ، إنتي هتحطي شوية دقيق على المطرحة و تفردي بالنشابة و تحطي على الرغيف من فوق حبة ردة و تشقية من النص بالسكينة و تناوليني ، شوفي أختك أزهار الأصغر منك لهلوبة في الخبيز و شغل الدار .
- أيوة يا أمة ما أنا عارفة كل حاجة بس النفسية متدايقة شويتين .
- طاب أنا هقولك على حاجة تفرحك و تبسطك ، بس خايفة أقولك لحسن متوافقيش.
- أوافق على إيه و موافقش على إيه برضة ، ما تقولي يا أمه هو سر .
- أزهار : بصي يا أختي أصل فيه عريس إتقدم لك ، و أمك كات ناوية تطرقه من بره بره كده .
- لا يا أمه و النبي دنا ماصدقت دنا ٣٢ سنة و زمايلي عيالهم كبروا و قربوا يتجوزوا كمان ، أنا عايزة أتجوز و أتسند على حيطة ، إنشاله حيطة مايلة ، أهو ضل راجل ولا ضل حيطة .
- هو فعلا حيطة مايلة يا بتي زي ما قولتي .
- و ماله مين هو يا أمه و النبي قلوليلي بقى ؟
- ازهار : الواد وهدان الأهطل ده .
- وهدان إتقدم لي ( تضحك و تزغرد ) بجد و النبي يا أمه .
- أيوة بجد ، هو إنتي فرحانة كده ليه يا وهيبة ؟
- ده واد بلطجي و رد سجون و اتحكم عليه قبل كده .
- ازهار : يا وهيبة ده قصير و قزعة و إنتي طول بعرض ، ما شوفتيش العلامة إللي في وشه .
- قصدك العلامة إللي فوق حاجبة اليمين .
- أيوة يا أختي العلامة دي ضربة مطوة .
- لا يا أزهار دي مش ضربة مطوة ولا حاجة ، الواد ده لما كان صغير شتمني و قالي يا تخينة يا فشلة أسكت له ؟
- لا طبعا يا بتي متسكتيش دي قلة أدب ، طاب عملتي إيه
- قومت يا أمه زقاه ع الأرض وقع إتخبط في طوبة فتحت دماغة ، نصيبه كده .
- أزهار : إنتي مشفتهوش ده دراعه مكسور .
- يا أزهار مهو أول إمبارح كان ماشي ورايه و بيعاكسني ، قومت مكعبلاه وقع على إيده إنكسرت نصيبه كده .
- يا وهيبة يا بتي ده حرامي .
- لا يا أمه هو مش حرامي ولا حاجة ده غبي ، السنة إللي فاتت كان فيه خروف عيان ، كنا رابطينه تحت الشجرة إللي على باب الفيلا ، قوم إيه الباشا بعته ياخد الخروف يوديه الوحدة البيطرية يعالجه ، أنا شوفته و هو بيفك الحبل بتاع الخروف صوتت و لميت عليه البلد ، كل إللي رايح و إللي جاي كان بيضرب فيه ، و أنا عماله بصرخ و أقول حرامي حرامي لحد الباشا ما جه و قال إن هو إللي بعته ياخد الخروف يوديه الوحدة البيطرية .
- أزهار : بصراحة يا وهيبة الواد ده صايع و قليل الأدب و مش هينفعك خالص .
- قصدك إيه يا أزهار يا أختي ؟
- قصدي البت سعيدة شاكياه بقضية تحرش .
تضحك وهيبة و تقول - ما أنا إللي قولت لها تشتكيه .
أصله كان ماشي في السوق و إحنا لقينا خاتم دهب في الأرض ، و قبل سعيدة ما توطي تاخد الخاتم ، قام الواد وهدان منعرفش جه منين داهية و خد الخاتم و طلع يجري ، البت سعيدة جرت وراه و شتمته .
فاني صوتت و الناس لما سمعوني فكروا إنه إتحرش بيها و رأسهم و ألف جزمة لازم تشتكيه.
خدتها و روحنا إشتكناه بالتحرش .
و عشان سعيدة تتنازل خدنا الخاتم منه و بعناه و قسمنا تمنه . - مالك يا وهيبة إنتي بتدافعي عنه كده ليه !!!
ده بيشرب و متصاحب على شوية خمورجية . - لا يا أمه ده لا بيشرب ولا نيلة ، فيه شجرة بعيدة بره ورا الفيلا بتاعت الباشا .
- و بعدين يا شهر زاد إيه إللي حصل .
- كان فيه شباب بيشربوا و عاملين راكية بعتوه يجيب لهم شيكولاته من عند البقال عشان ميحصلهمش هبوط .
- و هو راجع كنت أنا بلغت الغفير عم سعد و هو قام مبلغ النقطة على طول .
و لما جه يديهم الشكولاته اتقبض عليهم كلك و هو طلع منها براءة يا أمه .
كفاية يا أمه ده الواد طيب و غلبان . - بقى وهدان.طيب و غلبان دنا و اختك عاملين له فيش و تشبيه و مجمعين له السوابق بتاعته تقومي إنتي ببساطة كده تطلعيه براءة من كل ده .
- و حياة سيدي البهليطي هو ده إللي حصل يا أمه ، و بعدين يا أمه هو لو بلطجي أنا هربيه و هعلمه الأدب ، دنا وهيبة يعني إصلاح و تهذيب و إللي مايربهوش أمه و أبوه تربيه وهيبة ، و الله بركاتك بانت يا أم السعد ،هي قالت لي إني هتخطب قريب و الواد اسمعين فك لي العمل .
-أم السعد مين و اسمعين مين يا وهيبة ؟
-أم السعد يا أزهار هي إللي قريت لي الكف و اسمعين الله يستره فك لي العمل و جاب للأسياد دكر بط إسترالي و نملة يتيمة . - و إنتي صدقتي الهبل ده ، خلاص يا وهيبة إنتي حرة .
- هو وهدان هيجي مع أبوه و امه إمتي يا أمه ؟
- إحنا هنبعتولهم يجولنا بعد العشا يتفقوا .
- مانا عارفة يا أمه أنهم هيجوا بعد العشا .
- عارفة إزاي يا وهيبة ؟
- أصل أنا كنت عندهم في الدار إمبارح لما الواد وهدان اتكسر ، صعب عليا قولت أروح أسأل عليه ، و لما روحت الواد وهدان كان خايف مني ، و أبوه و أمه لما لاقوه بيعمل لي ألف حساب ، قالولي أنهم هييجوا يخطبوني .
- يعني إنت أصلا مظبطه الموضوع مع أبوه و أمه ، أومال إيه إللي مربهوش أبوه و أمه تربيه و هيبة .
- عجايب عشنا وشفنا يا وهيبة ، بس المايل هيفضل مايل طول عمره .
- لا يا أمه مهو جه قدامهم و قال بعضمة لسانه إنه هيسمع كلامي و هيمشي زي الألف .
- طاب ولو مسمعش كلامك .
- ميقدرش يا أمه .
بعد العشا في بيت وهيبة
- با بت يا أزهار فيه حد بيخبط ع الباب .
- اتفضلوا … اتفضلوا يادي النور يادي النور دحنا زارنا النبي ، يابا يابا عم أيوب أبو وهدان و أمه .
- يا أهلا و سهلا تعالوا اتفضلوا .
- خال وهيبة : تعالي يا وهيبة قدمي الشربات لعريسك .
العريس بيبص لوهيبة و خايف بياخد كاس عصير . - سيب الكاس ده و خد الكوبابة دي يا وهدان .
- حاااضر حاااضر يا وهيبة و لا أقولك بلاش أشرب خالص .
- لأ هتشرب يا وهدان .
- حاااضر هشرب أهوه .
- عم أيوب : شايفة يا أم وهدان لايقين على بعض .
- أيوة يا أبو وهدان التفاهم حلو و الواد ابني حمش زي أبوه و محدش هيقدر يكسر له كلمه صح يا وهيبة .
- إيوة صح يا خالة ده وهدان سيد الرجالة و كلمته تمشي على رقبتي أومال إيه .
- خال وهيبة : يا أبو وهيبة بسم الله ماشاء الله الجوازة ماشية زي الحلاوة و التفاهم حلو الواد عايز البت و البت عايزة الولا .
- أبو وهيبة : إيه رأيك يا وهيبة في الواد وهدان ؟
- الرأي رأيك يابا و الشورة شورتك و أنا ليا كلام بعد كلامك …. إللي هتقوله هيمشي يابا .
- عم أيوب : يا سلام ع الأدب و ع التربية و الله عرفت تربي يا أبو وهيبة .
- يعني موافقة يا وهيبة .
تضحك وهيبة و تخرج من غرفة الضيوف . - أبو وهدان نتفق بقي ، انتوا طلباتكم إيه .
- أبو وهيبة إللي يمشي زي الناس ما يغلبش .
- يعني إيه يا حاج ؟
- يعني إنتوا هاتوا العزال ، أوضة النوم و النيش و الستاير و السجاد و التلاجة و الشاشة .
- طب و إنت هتيجيبوا إيه ؟
- خال وهيبة ( بيضحك )و يقول إحنا هنجيب الورد و الدباديب حلو كده .
- ابو وهيبة : بص يا عم أيوب إحنا عايزين دبلة و خاتم بس في الخطوبة و هنجيب أدوات المطبخ و الصالون و التنجيد حلو كدة .
- عم أيوب ده كده مية مية نقرأ الفاتحة ما تسمعونا زرغوته يلي بره .
الرجال يقرأون الفاتحة و النساء تزغرد في المنزل . - أبو وهدان : الحمد لله الإتفاق حلو و الخطوبة إمتي بقى و كتب الكتاب و الدخلة إمتي ؟
- ابو وهيبة : الخطوبة يوم المولد مولد سيدي البهليطي .
- ش الله يا سيدي البهليطي طاب و الدخلة إمتي ؟
- الدخلة على موسم الغلة الجاي .
- اتفقنا يلا بينا يا أم وهدان نمشي و نسيب العريس يقعد مع عروسته .
- وهدان : لا و النبي يابا خدوني معاكم أنا خايف .
- وهيبة : اقعد يا وهدان متخافش .
- حااضر يا وهيبة مع السلامة يابا مع السلامة يا أمة ، يا رب استر .
- ولا يا وهدان مالك كده خايف مني .
- لا أبدا أخاف منك إية حد يشوف العسل ده و يخاف .
- طاب ما إنت بتقول كلام حلو أهوه .
- أيوة بقول أصل أنا مش خايف ده أنا مرعوب منك بس .
- كويس برضة بداية تطمن يا وهدان .
التعليقات مغلقة.