الدندنه….شعر عبد السلام عبد النبي
ولا عمري قلت
في يوم كلام
من غير حساب
ولا عمري انسي الدندنه
وغناوي دخلت كل باب
متزينه وحنينه
يا كلمه
جري ايه الحكايه
انا كنت دايما
لما اطلب تحضري
علشان اخطك ع الورق
القاك
ما بين عيون الليل
وساكنه
اوجنب نجمه سارحه
في قلب الفضا
اوهايمه سارحه
في رحاب ضي القمر
تقولي قوم
واكتب حكاوي للولاد
ويحلالي الكلام واعزف
علي وتر القلوب
غنيوه صافيه
بيها نقتل كل خوف
دار في البلاد
راح فين كلام الحب
ياكل الحروف
معقوله
مش لاقي كلام
لاجل اكتبه
معقوله
مش شايف سوي
رعشه وخوف
وقلمي ازاي
يكتب يحقق مطلبهچچ
قول يا قلم
انطق وبوح
ما تخافش
احسن يكسروك
او يمسحوا كل الكتابه
بس نفسي لما تكتب
يكون كلامك
قد احلام الغلابه
التعليقات مغلقة.