الدنيا سيرك كبير…
إسماعيل أبو شليل
الدنيا سيرك كبير
و الناس دى لعيبة
اعرف أصول لعبتك
تسلم من العيبة
…
و اللعبة بشروطها
و كل جيم له حال
اعرف تعامل مين
تعيش فى راحة بال
فيه ناس كنوز من دهب
أغلى من الأموال
راس مالها علم و أدب
مصابيح هدى و جمال
و ناس جفاها الأدب
تنداس كما الأنعال
اوعى تصاحبهم
و لو رشوك بالمال
فيه ناس بلياتشو
بالضحك يتعشو
يطلعوك م الهم
بقلوب كما الأطفال
فيه ناس كما الساحر
زيفهم خفى و ظاهر
ح تشوفه لو طاهر
و لا يخدعك محتال
و ناس كده تافهين
عايشين على التسقيف
مهما يكون العرض
بايخ و حاله سخيف
امشى على حبلك
وقعوا كتير قبلك
مالوا شمال و يمين
حافظ على خطوك
فى السيرك و الدنيا
الخطوة محسوبة
و لو تزل الخطى
اعدلها بالتوبة!
………..
إسماعيل أبو شليل
التعليقات مغلقة.