الدُنيا لسه بخير ـ
قلم / أسـمـاء الـبـيـطـار
في ناس كدة
تعدل مودك
رغم همومك
بكلمة بسيطة
تطمن قلبك
و تشاركك همك
و ما تسيبك
إلا و البسمة
ماليه و شك
و تدعيلك و تقولك
روووح يا شيخ ربنا يريح قلبك
” الدنيا لسه بخير “
فيها إيد بتطبطب
مهما الدُنيا مالت و حطت
لسه في ناس الأصل
ف طبعها غلاب
و بتنسي نفسها
يوم متلاقي حد محتاج لها
و بترمي همومها و أحزانها
و ما بتفتكر غير إنها إنسان
صـحـيـح
شايل هموم الدُنيا جواه
لكن لسه قلبه بخير
و ما بيتمني غير إنه يشوف
الكل بخير .
/ مجرد خاطره /
التعليقات مغلقة.