فضفضة من واقع الحياة ” الدنيا ما بتقفش على حد “
قلم أسـمـاء الـبـيـطـار
كتير مننا بييجي في مرحلة من عُمره و يقول :
” الدُنيا ما بتقفش على حد ”
بيقولها بكل ثبات و عزم من بره و تلاقيه مكمل حياته عادي جداً
بس من جواه بيبقى واقف على قلبه مش على رجله .
لأن الحد اللي بيتكلم عليه ده ممكن يكون وقف الدُنيا كلها جواه .
يمكن بقسوته
يمكن بظلمه
يمكن برحيله
يمكن بفقد ثقته
يمكن و يمكن و يمكن
صحيح الدُنيا ما بتقفش على حد لكن إحنا من جوانا بنبقي حد تاني
يمكن بنفقد الثقة في الدُنيا كلها و بنعامل الجميع معاملة الغُرباء .
بناخد جنب في كل الأمور .
بنمشي جنب حيط الدُنيا و كأننا مش منها و لا فيها .
بقينا نبص بعنينا و حتى ما بقى يبان علينا رد فعل .
و حتى من رحل رحل عن العالم و لم يرحل من داخلنا يوم
و كأنه كان ينتظر كي يسكننا و يملئ كل الأماكن بداخلنا !
و بكل صراحة ..
ما فيش حاجة إسمها الدُنيا ما بتقفش على حد .
لأننا بشر مهما أدعينا القوة و التظاهر بالامبالاة .
جوانا بنبقي بني آدمين ورق يمكن نبكي من نسمة هوا معدية
و نقول عنينا مطروفه بس بيبقى قلبنا اللي موجوع .
بس في النهاية الدُنيا
لازم تمشي
و لازم نكبر
و لازم نعدي
و لازم نتعلم
و لازم نتعود
حتى لو الدُنيا وقفت جوانا لازم تمشي .
حالها كده مش حالنا .
التعليقات مغلقة.