الزراعية…بقلم فتحي نجم

ع الزراعية…بقلم فتحي نجم

لمحت عيوني يمامه
لابسة الكلوش والكنار
الحسن فيها ياما
والعقل مني طار
الطلة مرمرية والخدود زنهار
متأيفة ومتغندرة
تقولش الفنار
سارج في يوم ضلمه
بيرشد الأبصار
ع الجسر قاطع النفس
باأوح في الوصول
هـحرم ع العيون متنام
لجل خاطر أنول
ست الحسن ومين زيها
هو انا أصلاً أطول
لكن وبالأصول
الطلعه دي ليّ
والطله فرشه السما ألوان
فراشة متحنيه وبخفة الغزلان
الحلوة ساكنة الضلوع
ومعايا في الأحلام
يابت مين زيـك حلوه ومتزينه
الصورة مرسومه والنقشه متشكله
وبتجري في الشريان
القلب أخضر مهناوي
وانا ع الغرام ناوي
تطلعي سوسن أو سعاد
أو حتي ناني
من غير تأتان بتونس بطلتك
منا أصلي شاري
مين اللي هيطبطب
ويلمح رعشتك م الهم
مين اللي بيكي في يوم
راح يهتم
مين منجدك بعد الإله م اليم
أنا مش إزاز أو ورق سلوفان
أنا بقوي بيكي
وليكي سند للزمان
وحبي باين في عنيه
وبوزعة ع الوشوش
من غير زيف من غير رتوش
بخُطري ومش بإيدي
سارحه وعيشه بوريدي
بدّفْيٰ ليلاتي بصوتك
معايا منين مابروح
شاغل قلبي وتفكيري
ساكنه جنبات الروح
مع حبة الأشعار
مخزون العقل الباطن
الدايبة ف تفاصيلك
بتخليني يوماتي اسرح
ولا ميت مشوار
والروح منك مابتشبعش
ولا بركعش غير لله
أتمني أنولك ولافوقش
القلب الغارقان في موج الشوق
لساه عطشان يتمني يطولك
وانا واقف زنهار
قدام البيت للغيط
ولا ميت مشوار
العقل بيفكر فيكِ ليل ونهار
مستني الفوته مع ريحة الصبح
جايبة معاها ريحة الأزهار
والشمس من يوم ماسرحتي
مابتتطلعش
نورتي الكون يانوارة الغيط
حتي حيطان البيت
واقفه عندها
تناتيف م الضوء بتخانق عِندها
ولافيش زيها
بتمني تتشعلقي في دراعي
بداعي أو من غير داعي
واعي أو مش واعي
خدي كل اللي ف جيبي
ودا مش عيبي
أصل بحبك
والحب
إن اترمي في حضنك
ولا فوقش
اسرح مع حالي
واطلع لفوق أنا وخيالي
وجنب الوسعايه
بتشعبط في ديل جلابيتك
وانا كلي عشم
أرجع محمل بالأشواق
ولاعش عـدم
هاأوح في حقي وحقدر عليه
ايه يعني باخد جزء
ولا كمنك علـم
بقلم/ فتـــحى نجـــــم
يونيـــــــــــــــــه2021