” الزعيم الخالد” فى ثورة 52إلى جمال عبد الناصر… بقلم أسامة عيد
افتكرتك عينى فاضت بالدموع
افتكرتك لما قدت ايديك شموع
افتكرتك وانت فى زهوة نجاحك
افتكرتك وانت فى محنة جراحك
افتكرتك انما للموت خشوع
افتكرتك عينى فاضت بالدموع
افتكرتك جى تدافع عن عرينك
افتكرتك وانت رافض مين يهينك
افتكرتك لما اممت القنال
افتكرتك لما ايدن يومها قال
خلصونا من جمال
لما اعلنت الكرامة
ارفعوا للمصرى هامة
وارفضوا ذ ل المهانة والخضوع
افتكرتك عينى فا ضت بالدموع
لما قلت خطاب شديد
لاجل نجدة بور سعيد
افتكرتك لما صوتك كان يرن
كان يزلزل بالصدى انسان وجن
افتكرتك وانت بتهزالجموع
اافتكرتك عينى فاضت بالدموع
افتكرتك يوم ماشلت المسؤلية
واعتزلت الحكم بالنفس الابية
كان قرارك بالتنحى شىء رهيب
عيش الناس كلها ف يوم عصيب
هب شعبك لما اعلنت القرار
قال هاترجع والبديل ثورة ونار
والهدوء عاد لما اعلنت الرجوع
افتكرتك عينى فاضت بالدموع
لما شعبك يوم رحيلك كان حزين
اصل شعبك لسة فاكر من سنين
اللى كافح واللى حار ب جبارين
بس عمر الشعب ما بات يوم فى جوع
افتكرتك عينى فاضت بالدموع
التعليقات مغلقة.