الست مامايا بقلم.صلاح السعدني

الست مامايا بقلم.صلاح السعدني

1- الســت مامايا فـ يـوم قـالـت :
لســاك قــاعــد نــافــش ريــشك

2- بتــخانق نفــسك يــا حبــيبي
عوضي على الله رحت فـ طيشك

3- بتــرص كــلامك وتــشخــبـط
راح تــاخــد ايــه مــن تـهبــيشك

4 – حتعيش بتدندن على خيبتك
و حتـفضل مـدفون ورا شــيشـك

5 – حوش لك قرش يكون احسن
في شـبابك .. فـ الـساعة الـهوجـه

6 – دا كـلامـك ده مـلهوش لازمـة
حـتعيـش مـتضايـق و فـ حـوجـة

7 – حتعيش شحات يا بن الجز….
و اصـحابــك حــيعـدوا الــموجــة

8 – و زمــاننا الاغبــر حــيدوســك
فــين الشـقة ؟…و فيــن الزوجة ؟

9 – لــو بــتقــدر قــيــمة تــعــبـك
كــان قرشك صــحصح و اتــجـمد

10 – أمـا انـت بتـشقى و تـتـبهدل
و اوام عــلى كُــتـــبــك و تــجــدد

11 – شـوف خلق الله إزاي عايشه
شوف(حمدي)و(محمود)و(محمد)

12 – أمـا انــت جــيوبك نــشـفانة
و الــــقــرش فـ ايـــــدك مــتــبــدد

13 – افتـح شـبابيـكك و اسـتنشق
دا الشــمــس بتــفـرش شــوارعــنا

14 – لــيه دافن نفســك يا عــينيه
بكــرة النــوم يـحللى و يــوجـعــنا

15 – غـرقان بين كتبـك و اقلامك
و بــحــور الــشــعــر بــتــقــلــعــنا

16 – دا الجــرة بقــلـمــك بتــجرك
حتــضــيـع و كــمــان حــتضيعــنا

17 – و ســاعــات بتــحن تكــلمـني
فــهــمــني و قــلبي يكــون عــازرك

18 – الشــعر دا ايــه غـير تخـريفك
انــا خــايفه يــا روحي دا ليــضـرك

19 – الشـعر يا ماما أنا مـش عـارفه
بـــياخدني فـ أيـــده مـــا بتـــحـرك

20 – أن سيبته اموت و أفضل جثة
لا بــتــعــرف روح و لا تـــتــشــــرك