السلطان كلمات الشاعر/محمد سيوفي
مش عارف إمتـــى هتفوقـــــي
وتحســــــي بناري وبشــــــوقي
وتشــــوفي إنك شمس شروقي
وتراضـــــي القلـــــب الولهــــان
..
ولإمتــــي هتتمــــادي ف عندك
وتسوقي ف صدك وف هــجرك
على فكره أنا عاشق مش عبدك
وف قلبــي مشـــــاعر إنســــان
..
الهوى مــــش ذل ولا خضــوع
ولا قلب يعيـش كده مخــدوع
يســـهر ويبـــــات ليله موجوع
ويـــــدوق في الآخر حرمــــان
..
صحيح أنا بســـهرلك ليـــــــلي
وبشــــوفك نجمي ودليـــــــلي
لكن ماقبلــــــش بتقليــــــــــلي
لو هبـــقى في طي النسيـــــان
..
العشـــــق يا أمـــوره منـــــاوله
ومافيش عاشق ياخده مقاوله
لو شايفه أنتي في نفسك دوله
أنا برضوا في نفسي ســـلطان
التعليقات مغلقة.