الشده بتعلم.بقلم.علا فياله
ساعات الشدة أكيد توجع
وتسيبك حبه …. بتتألم
فتعيد حساباتك وبترجع
من وجعك جدا تتعلم
مين فاتك وإنت بتترجى
الضحكه تشوفك وتسلم
مين حسك وانت بتتوجع
من قبل ما روحك تتكلم
فإياك تشكيلهم أوجاعك
أو إنك ف الناس تتعشم
دا عشان ما يصيبك خذلانهم
وتسيبك روحك تتندم
صدقني الدِين بيكون وقفه
أو كلمه تقولها وتتبسم
هاتطيب روح غيرك يمكن
البسمه تصيبك وتعلم
التعليقات مغلقة.