الشـعر مـيزان بقلـم خن ـ أنوب الجديد معوض حلمي الفلاح الفصيح
ياهل الشعر الشـعر معاني
وإن المعـنى يكون إنساني
لاجـل مايوصـل بيك للقمه
إوصف حـالة ناس بتعاني
ياهل الشعر انا واحد منكوا
كل الخلق ياناس عارفينكوا
عارفه الصـادق م الكـداب
من أشعاركم دول قرينكوا
ياهل الشعر الشعر صروح
يفضـل بعد الروح ماتروح
وانت ف قبرك ناس تدعيلك
وآه لو باب السـما مفتوح
ياهل الشعر الشـعر أساس
عـايز تجـمـع مـنه المــاس
خلي وشوش الناس فرحانه
واملى قلـوبهم بالإحسـاس
ياهل الشعر طفيتوا نجومي
من مشاكلكم زايده همومي
ليـس مابينكم عبروحــمان
وليس مابينكم أي فاجومي
ياهل الشعر الشعر بتاعكوا
حتتك بتتك ليـه متعـكوا
هيه الكلمه حـداكوا لبانه
ليه بتخلوا الخزي متاعـكوا
ياهل الشعر مابينكم حوت
عبى ديوانه كلام منحوت
ولما سـألته حـروفك ديه
قـال لي هافـشك بالنبوت
أهل الشعر قالوا لي فلانه
نحتت شـعرها مـن عـلانه
ولما رسيت ع الفـوله لقيت
إن الســاحـه بدولا مــلانه
ياهل الشعر الشعر دا حاله
مش تصاوير وأمـور دجاله
نقرا عيون الخـلق ونكتب
عـايز عقـل يكـون رحـاله
ياهل الشـعر الشـعر عمار
يسرج لنضة نور ف الـدار
حكمـة قالوها الناس قبلينا
( الكـــداب بيـروح النـار )
ياهل الشعر فقعتوا مرارتي
سألت الكلـمه لـيه مـررتي
قالت أهل الشعر خـانوني
إغتصبوني وفضوا بكـارتي
ياهل الشعر الشـعر مـيزان
مش فعيون ولارمـش رزان
ولاضحكتها الزاينه خدودها
ولا مشيتها وعـودها الزان
ياهل الشعر الشعر معاني
وإن المعنى يكون إنساني
لاجل مايوصـل بيك للقمه
إوصف حالة ناس بتعاني
ــــــــــــــــــــــــــــــــــــــــــــ
التعليقات مغلقة.