الشيش متواآرب بقلم احمد زيدان
الشيش متواآرب
علي فكره
و لمحت ضفايرك
و كسوفك
معرفش منين جاتلي
الجراه
إني المح طيفك
و أشوفك
انا شفتك بتبصي
عليا
مرسومه البسمه
علي خدك
في سكوتك سامع
سلاماتگ
بتقولي يا حبيبي
ازيك
اتفضل مشتاقه
اسمع لك
و عنيا بتقول لها
شكرا
قالت لي و هيا
بتتنهد
سلامي لأبوك
و اخواتك
و لأهلك و لكل
حبايبك
و البوسه دي مني
ل مامتك
هزيت راسي طيب
حاضر
و ردى كان جبران
خاطر
ردى عليها كان
فزورة
ممضيه ب شكرا
ع الواجب
م عجبهاش ….. !
ب نظره رفعت لي
الحاجب !
بعديها جات لحظات
حرجه
و صراخ بيقول ليه
الفرقه
جَمَعنا الحب ف روح
واحده
و فينا الاحساس مات
م الحرقه
انا شفت ملامحك مش
شبهك
بركان جواكي عاكس
غضبك
انا طبعا مستاء
زيك
كنا بنحلم بحياه
وردي
كنا بنتسامر صباحي
اشكي لها همومي و جراحي
كات هيه الروح اللي تطبطب
كات حب كبير حب تحدي
منين متعوزني ألبيها
لفين ماتروح احميها
م البرد حبي يدفيها
معرفش ليه كَسرت قلبي
أقسمت عليكي بالعشرة
و حياتك فين خاتمي القشرة
في ايدك لابساه لسه….!
و لا رمياه مع الذكرى
وحياة الدمعه اللي ف عيني
لتكوني حزينه مع غيري
سلامي ل أبوكي و ل امك
و ل أهلك و لكل
حبايبك
و سلامي الخاص مني ل جوزك
و البوسه دى ل أحمد ابنك
التعليقات مغلقة.