الشيلة بقلم بقلمي الفلاح الفصيح معوض حلمي منشأة بطاش
تمي الأمديد دقهلية
الصبح نزل دمعتين
والليل حزين
ضهر الولد مكسور
الطير خلاص بطل غنا
حب السكات
الزرع كان أخضر ومات
طار الندى م الخوف
ومخاصم النوار
نهارنا ليل
والليل نهار
العقدة محتاجة لعمل
والشيخ في قصره العلي
وإيه العمل
الشيلة مايشيلهاش جمل
والضهر محتاج ولي
محتاج آيات
وصراحه في الإجابات
طلع الولي كداب
بيزور الحجابات
والدايره دايره ومحكمه
والتوهه غول
وهناك في رول المحكمه
كل القضايا مبهمه
مالهاش حلول
مالهاش حلول
التعليقات مغلقة.