الشِّـعـر جِيش … عبير عبد المنعم
الشعر ساحة وضي بكر
ألوان وفكر..
(حكمة لا تؤتى إلا في
صدرِ القلوبِ المُجهَدةَ)
الكلمة نار مبتنتهيش
والشعر نادر يتوجد
حر وأصيل
دايما بيطلع
من عيون (ليلٍ طويل)
لكن دا نحت الشعر يملا
١٠٠٠ قفةو ١٠٠ غَلَق ..
ولا ينتهيش
شعر الصّوَب ..
أوهرموناته الهشة ..
مش ممكن يعيش
أصل الهشاشة ضعف عام
دي هَبو ريش
للشعر موسم تلمحه
لو جه في ساعته يتقطف
من فوق ورود خد الجميل
ومتختشيش
الشعر دولة وجمهورية حروفها جيش.
التعليقات مغلقة.