الصبر على الإساءة ” الحلقة الخامسة “…محمد السيد محمد

كام مرة اتعرضت لإساءة في حياتك؟! كام مرة اتعرضت لإساءة في حياتك وصبرت وعديتها ؟!
كام مرة حد يغلط فيك وترد تقوله معلش “حصل خير”؟! كام مرة تكلم حد وتبدأ كلامك بالسلام ويتجاهلك ؟!
كام مرة حد يتهمك بصفة مش فيك ويقلل من شأنك ؟! كام مرة تستني حد مواعدك وميجيش ؟!
كام مرة تساعد حد وينكر؟! كام مرة في أقرب خلاف بينك وبين شخص بتحبه يتهمك بحاجات مش فيك لمجرد بس انه ينتصر عليك في الخلاف؟!

8 اسئلة أو أمثلة حاولت فيهم علي قد ما اقدر ان اجمع صور من الإساءة ال ممكن تكون اتعرضت ليها في حياتك وحاول تجاوب عليها بصدق مع نفسك .

الأصعب من الأسئلة دي أو شعورك وقتها بالإهانة ..
الإجابة 
صبرت ولا انفعلت .. اشتكيت لربك ولا حكيت للناس ..
قولت “الحمدلله” ولا غضبت وخطأت وقولت “ليه كده؟!”

تعرف ان النوع ده من الصبر والتحمل ثوابه كبير.
الصبر ال بيكون لك فيه غريم وتكون قادر ترد له الإساءة بالإساءة لكنك بتصبر وتمسك لسانك وتغفر .. ربنا سبحانه وتعالي هيجازيك عليه كل خير .
صبر محتاج منك جلد وقوة إرادة وعزيمة وضبط نفس خصوصا في الحالة ال بتكون قادر فيها تنتقم أو تتعامل بالمثل .
وهو من “عزم الأمور”ال كلمتك عنها في الحلقة السابقة.
ولأننا بعدنا عن كلام ربنا عزوجل إلا من رحم ربي تلاقي الخناقات بين سواق الميكروباص والركاب علي الأجرة أو بين أي اتنين علي أمر فاني من أمور الدنيا

اقرأ
يقول تعالي في “سورة الشوري”
بسم الله الرحمن الرحيم
“ولمن صبر وغفر إن ذلك لمن عزم الأمور43”

ربنا كريم