الصبر لَمَّا استوى بقلم د.هبة صبحى البدوى
طرق الألم بابى
سَكَّرْتِلُّه الشِّبَاك
ضَلِّلْ على عْتَابِى
فَزَرَعْتْ صبر هناك
رافع كفوف شُوْكُه
يا رب يِتْرَجَّاكْ
لَمَّا الْمَرَارْ عَصَرُه
نَبَتِتْ زهور تِينُه
سكر ومن شَهْدُهْ
هَجَرْ الْأَلَم طِينُه
طفش الوجع هربان
فوق العنب شَبْطَانْ
سقا المرار عنقود
شَكَرُهْ وقال بالجود
والحلو فِيهْ مَعْقُود
اِسْقِى كمان وكمان
والمستخبى يبان
الصبر لُهْ عِنْوَانْ
والحب تَكّعِيبْتُهْ
والنبت بالألوان
وَجَمَالُهْ لُهْ هِيبْتُه
أصفر كما الكهرمان
طايب لِأَكِّيلْتُه
مين اللِّى قال عطشان؟!
الرِّىّ حان … وَقْتُّه
وَالصَّبْر لِمَّا استوى
شُوْكُه طرح تِينْتُهْ
التعليقات مغلقة.