الضحكه سكة سفر شعر السيد الشيتى
الضحكه سكة سفر
بتداوي كل غريب
بتلم شمل البشر
الحب فيها طبيب
عنوانها لحظة صفا
عن روحنا ما بتغيب
بتزيد قلوبنا دفا
ف العتمه نورها قريب
الضحكه هيَّ الرئه
لما تِهب الريح
ف الشده او ف الشقا
بتداوى كل جريح
اِنسي الهموم وابتسم
وشك هيبقى مُريح
دا الحزن لو يترسم
بيعذب المجاريح
الضحكه لحظة هَنا
تحيى الفؤاد لو مات
تمسح دموع همنا
وتقرب المسافات
العمر فيه كام سنه
هنعيشه ليه آهات
اضحك تنول المنى
وتدوس على الازمات
التعليقات مغلقة.