الضـحيـةْ بقلم سالم أحمد

دوخيني يادنيا فيكي ودوبيني
عِيدي كاس المُرّ تاني وشرّبيني
هاتـــي كشـــــف المحــــرومين
دوري إسـمــــــي تـلاقـــــــينـي
جمّعــــي أفــــراحـــي فـيكـــي
شـــــوفي حــــظّي وعـــرّفيني
عِشـت عُمــــري فيـكـي خايـف
حِلــــم ضــــــــايع بيـنادينــــي
الــف كلمـــــة وعــــــد منــــك
كنتــــي بيـــــها بتـــــوعــديني
والأمـــــل يسكـــــــن حـــياتي
والحنيــــن يهــــــــزم يقيـــني
والمـــــصـايب فيكـــــي دايـمًا
عارفــــه إســــمي وبتـنادينــي
ليــــه يادنــــيا وألــــــف ليـــه
كنتـــــي دايــــــمًا تخـــدعيني
خـــوف وحُـــــزن ودمـــعتين
كـنتــــي بيهــــــم تحــــتويني
حظــي فيكــــي نــص حــــظ
ورافــــضةْ إنــــك تـسمــعيني
لو كلامــــي مــش حــــقيقـي
هاتـي كشــــف المهــــزوميـن
شــــــوفي إســمي وكـذّبيني