الطفل الشهيد رَيّان المغربي…كتبها رثاءا في الطفل المغربي الشهيد ريان الشاعر أشرف يوسف
مَعْرَفْش حكايتك غير
مِتْأَخَّر
بعد ما ذاعوا وقالوا بيان
ولقيت الناس بيقولوا دا
طفل
إتوفي وكان إسمه ريان
گان زعلي الأكبر لما
عرفت
حقيقة موتك قلبي اتأثر
ولقيتني حزنت وكل
مشاعري
في لحظه لقيتها بِتْتْكَسَّر
ما انا گانلي زمان زيك گدا
طفل
فى لحظه لقيته مودعني
وسبقني وراح وانا كلي
جراح
ودموع مع قلب بيوجعني
من يومها وكل ما طفل
يموت
تيجي صورة الغالي في
عنيا
و گأنه قصادي بيندهلي
ويقول هات إيدك ف إيديا
موتك دِالوقتي يا ريان
قَلِّبْ علي قلبي الأوجاع
واللي اقدر اقدمهولك إيه؟
غير دعوه وراها ألف وداع
وعشانك كنت من الأبرار
مكتوبلك فعلا تتهني
أَبْشِر دي الجنه بتستناك
ويا بخته اللي يروح الجنه
الأحد بتاريخ ٢٠٢٢/٢/٦م
بقلم الشاعر: أشرف يوسف
من ديوان : شاعر و مشاعر
التعليقات مغلقة.