الفراق أصناف بقلم شيماء عادل
يا مدروش ف نص الليل
يجوز تسكر بنجم حزين
تساير عمرك الحيران
وتشبع م الفراق أصناف
تلف الدايره ع المحاسيب
وقلب الصبر كان عطشان
تمد الايد
وتشبع من كلامهم زيف
يراودني بفكر ضعيف
وقلب خفيف
ودمع الوجع سهران
بتتمسك بعمر وعدي
م الاخر مالوش تفاصيل
بتسيب الورق يلعب معاك الدور
تلف بحور
سيناريو من سنين خسران
حوار
معدوم من الافكار
يناقشه حمار
انا اسف
سنين م الكدب كان كاشف
لكن ساكت
لانه شيطان
مالوهش شبيه
شيطانه عميه
يجوز عمرك تشيله على الورق لسنين
يجوز تبقى من المجانين
تساير عمرك الضايع
تلاقي العمر كله يومين
التعليقات مغلقة.