القرصــــه مــنه…شعر معوض حلمي علي
الـــنـدل يـخـفـى ولــو زار
وريـحـتـه ريــحـة عــفـانـه
بـعــادنـا عـنــه بـــلا اوزار
ومــــــــنـه ربــك عــافـانـا
ولا رد مـــــــره الـجـمـايـل
يـحـسـد بـقـلبـه وعـيـــنـه
وان مـره عـندي جـامـايل
أمــــــد إيــــــدي واعـيـنه
الــــنــدل ع الـنــــدل دور
عـشـره وهـواهـم مـساوي
لتـنين رباطـهم في مدور
عـشـان فـعالـهـم مـسـاوي
النـدل عــلى طــبع ابـــوه
له فعـل في الخـلق هـادم
ع الخــسه دول طـبـعـــوه
مـكــــروه مـابــين الأوادم
للـحــــر كـــلـمـه وديـــعـه
فـي الخـلق مقـبول ولايق
والـندل يـهـوى الـوقـيـعـه
ولـــــع بـنـاره الـــخــلايـق
الـنــدل مـعــروف تمــــامـه
والأصــل بيـــعـلي ناســـــو
دا الكـيل بركـته في تمامه
لو توفي تحصـد في ماسو
عـن الـندل باعـد أراضــيك
وايـاك تصـاحب اللي ظـالم
صاحبك ف حوجتك يراضيك
ويـرد عــــنك مـظــــــــــالم
مـن النـدل حـذرك ينـجـيك
وتعــــــدي بــــــرك مــآمــن
رزقـــك لـو فـين بياجـــيك
والشـــــرط إنـــك تآمــــــن
للنــــدل إفــــتح عــيونك
من فـعل ابوه خـد علامه
في لمـحه هايبـيع معـونك
لــو يــوم تصــدق كــلامـه
النـدل لـو قــــال شــاريك
كـداب وقـــايـم مــــــزاده
فـإيـاك تآمــــــنه شـــــريك
دا نـقــصـه خيبه .. مــازاده
الـنـدل حـاســب حســـابو
قـاعـد بيـخطـط لشــوطـه
مسـتـني غـفـلة صــحـابـو
والقـرصـه مــــنه بمــــوته
معـــوض حـلـمي عــــــلي
منـــــــشـأة بطــــــــــــاش
تـمي الأمـــديد / دقـهــليه
التعليقات مغلقة.