القلب أوسع من عيون الموج…بقلم شيماء عادل
(بحر الهوي غدار والخطوة فيه فدان)
القلب اوسع من عيون الموج
يحضن ضلوعنا ف اصعب الأوقات
يشد روحنا نترسم جواه
يخطفنا ساعة رضا
نرضي بقليل م الفرح
نبني بروحنا جنة م الافراح
يوسع براح الممكنات وياه
تخطف بواقي لهفتي البدايات
تضم أصناف الفَرَح
مرسومة اوتار الكلام علي جنتك
سبقاني دايما خطوتك
قلبك ملامحك بسمتك
جمعوا المعاني كلها
وعيوني جمعت دمعها
خوفا عليك من الفراق
الاشتياق
فرفط ضلوعه تجمع اللحظات لقا
عايشه السعاده معاك رضا
يا جنتي لاخر المدي
التعليقات مغلقة.