القلب لو ينفرد شعر عصام اديب شحاتة
القلب لو يتفرد
يحضن سماء الروح
لا تحوشه ارض وجلد
وللا ألم وجروح
ياقلب قايل مدد
درويش وف الحضره
ماشي ف قلب البلد
شايل ف اديك جره
وبتسقي منها الولد
والبيضه والسمره
انا قولت أتعمد
اغطس ف جرن تقاك
متكنش متزمت
ابسط اديك لهواك
حطم حواجز البدن
واركب حصان الشوق
على نهرجنة عدن
أقطف ثمارها ودوق
تكشف عنيك الكون
ترقب مداين الحب
ضلل عليها غصون
متعه لبنت وشاب
هدموا جدار الألم
خطوا جسور لفراق
كتبوا هناك بالقلم
أحمد أخوه اسحاق
البحر بحر حنان
راوي اراضيها
أسود مع الغزلان
سهروا لياليها
يارب يامنان
اوعدني اعيش فيها
صحبه مع الخلان
واللي حلم بيها
واللي حلم پيها
التعليقات مغلقة.