الكام بكام…
بقلم تهانى بركات
الكام بكام…..
سؤال من غير جواب
السعر كل يوم ف ازدياد
و العيشة بقت هباب
زاد علينا العذاب
و الكل سف تراب
ضالكام بكام …
حسبة صعبة
عايزة قاعدة
بسط و مقام
و كام معادلة
محتاجة قسمة
أو حتى سلفة
من اللي فات
و آه يا عيني
على اللي فات
نفسي شاردة
عايزة مركز المحاسبة
تعمل موازنة
بين المهية و شوية حاجات
سؤال و بسأله
للي رايح و اللي جاي
ايه جرى للفلوس
و لا العيب في النفوس
كله بيلعب على غلبنا
من غير ما يراعي ربنا
في الفقير و الغلبان
التجار عامله احتكار
و البنزين سعره نار
كل حاجة بيغلى سعرها
إلا البشر في حالة احتضار
الكام بكام….
تهاني بركات ٢٦ /٩ / ٢٠٢٢
التعليقات مغلقة.